گال (ڈیلی پاکستان آن لائن ) دورہ سری لنکا پر موجود پاکستانی کرکٹ ٹیم میزبان سری لنکا کے خلاف پہلا ٹیسٹ میچ کھیل رہی ہےجہاں میچ کے تیسرے روز سری لنکن ٹیم دوسری اننگز میں بلے بازی کر رہی ہے ۔
پہلی اننگز میں سری لنکن ٹیم نے 222 رنز بنائے تھے ، پاکستانی ٹیم نے 222 رنز کے جواب میں 218 رنز بنائے تھے ، اس طرح پہلی اننگز میں میزبان ٹیم کو 4 رنز کی برتری حاصل تھی ۔ دوسری اننگز میں سری لنکن ٹیم تا دم تحریر دو وکٹوں کے نقصان پر 106 رنز بنا چکی تھی جبکہ اسے 110 رنز کی برتری حاصل تھی ۔
اس سے قبل سری لنکاکے 222 رنز کےجواب میں پاکستانی ٹیم 218رنز بنا کر آل آؤٹ ہو گئی ، کپتان بابر اعظم کے علاوہ کوئی بھی کھلاڑی خاطر خواہ کارکردگی نہ دیکھا سکا۔ اوپنر امام الحق 2 ، ساتھی اوپنر عبداللہ شفیق 13 ، ٹاپ آرڈر اظہر علی 3 رنز بنا کر چلتے بنے ۔وکٹ کیپر بلے باز محمد رضوان 19،آغا سلمان اور محمد نواز 5،5 جبکہ شاہین شاہ آفریدی بغیر کوئی رن بنائے ہی پویلین لوٹ ہو گئے , یاسر شاہ نے 18 جبکہ حسن علی نے 17 رنز بنائے ، کپتان بابر اعظم کی سینچری کے باعث پاکستان ٹیم 218رنز بنا سکی ، بابر اعظم 119رنز بنا کر “تھیکشانا”کی گیند پر ایل بی ڈبلیو ہوئے جبکہ نسیم شاہ 5رنز بنا کر ناٹ آؤٹ رہے ۔
اس سے قبل سری لنکا نے ٹاس جیت کر پہلے بلے بازی کرتے ہوئے 222 رنز بنائے ، اوپنر اوشادا فرنینڈو نے 35، کپتان دیمتھ کرونا رتنے نے ایک ، کوشل مینڈس نے 21 ،اینگلو میتھیوز نےصفر ، دنیش چندی مل نے 75، دھاننجیا ڈی سلوا نے 14،نیروشن ڈیکویلا نے 4 ،رمیش مینڈس نے 11 ،برابتھ جے سوریا نے 3،مہیش ٹیکسینا نے 38 رنز بنائے جبکہ کاسن راجیتھا 12 رنز کے ساتھ ناٹ آؤٹ رہے ۔