کراچی (ویب ڈیسک) پاکستان کرکٹ ٹیم کے سابق کپتان سرفراز احمد کے صاحبزادے عبداللہ نے گزشتہ روز انگلش ٹیسٹ ٹیم کے کپتان بین سٹوکس کے ون ڈے کرکٹ سے ریٹائرمنٹ کے اعلان پر ان کے نام پیغام جاری کر دیا ہے۔ ۔
سرفراز احمد کی اہلیہ خوش بخت نے ٹوئٹر پر بیٹے عبداللہ کی طرف سے بین سٹوکس کے نام پیغام جاری کیا۔سرفراز احمد کے بیٹے عبداللہ کی جانب سے دیے گئے پیغام میں کہا گیا کہ ‘ہم آپ کو ہمیشہ یاد کریں گے’۔
To Ben,
From Abdullah
We will miss you! https://t.co/rHbrsAHEWx
— Khushbakht Sarfaraz (@sarfarazkhush) July 19, 2022
واضح رہے کہ بین سٹوکس آج جنوبی افریقا کےخلاف ڈرہم میں اپنے کیریئر کا آخری ون ڈے میچ کھیل رہے ہیں۔
گزشتہ روز انگلش آل راؤنڈر نے اپنے بیان میں کہا کہ وہ منگل کو جنوبی افریقا کے خلاف اپنا آخری ون ڈے میچ کھیلیں گے۔ان کا کہنا تھا کہ وہ سارا فوکس اب ٹیسٹ اور ٹی ٹوئنٹی کرکٹ پر رکھنا چاہتے ہیں۔
بین سٹوکس نے کہا کہ یہ ایک مشکل فیصلہ تھا، میں اس فارمیٹ میں 100 فیصد پرفارم نہیں کر پا رہا تھا۔
