Fri. Jun 2nd, 2023



اچھی بلے بازی کا مظاہرہ کرنے پر اللہ کا شکر ادا کرتا ہوں ،  عبداللہ شفیق

گال (ڈیلی پاکستان آن لائن )  گال ٹیسٹ میں پاکستانی جیت کو فتح سے ہمکنار کرنے والے عبداللہ شفیق کو مین آف دی میچ قرار دیا گیا ، عبداللہ شفیق نے کہا کہ اچھی بلے بازی کا مظاہرہ کرنے پر اللہ کا شکر ادا کرتا ہوں ۔

گال ٹیسٹ میں  مین آف دی میچ کا اعزاز  حاصل کرنے والے  عبداللہ شفیق نے کہا   الحمد اللہ میں نے  اچھی بلے بازی کی ، ہماری صرف ایک ہی حکمت عملی تھی کہ کامیابی سے ہدف کو حاصل کرنا ہے اور ہم نے کیا۔

خیال رہے کہ گال ٹیسٹ کی پہلی اننگز میں عبدا للہ شفیق نے  13 رنز بنائے مگر دوسرے اننگز میں 333 رنز کے ہدف کے تعاقب کیلئے میدان میں اترنے والے عبداللہ شفیق اوپنر آئے اور  ناقابل شکست رہے ، عبداللہ شفیق نے 524 منٹ تک  کریز پر رہ کر 408 گیندیں کھیلیں ، ایک چھکے اور 7 چوکوں کی مدد سے 160 رنز بنا کر قومی ٹیم کو فتح سے ہمکنار کیا۔

میچ کے چوتھے روز ایسا وقت بھی آیا  جب  میچ ہاتھ سے نکلتا محسوس ہونے لگا ، 276  ،  298 اور  303  رنز پر اوپر نیچے گرتی وکٹوں نے  بے چینی کی فضا پیدا کر دی  مگر عبداللہ شفیق نے محمد نواز کے ساتھ مل کر کھیل کو ہاتھ سے نکلنے نہیں دیا کامیابی سے ہدف حاصل کرلیا۔

مزید :

کھیل





Source link

Leave a Reply

Your email address will not be published. Required fields are marked *